Activity

№33 жалпы орта білім беретін мектебінің 4-сынып оқушылары мен сынып жетекшісі Мырзабаева Камшат Куандыковнаның ұйымдастыруымен Алғыс айту күніне арналған тәрбие сағаты өткізілді.
Мақсаты – оқушыларға ризашылық пен алғыс айту мәдениетін үйрету, ата-аналарына, ұстаздарына, достарына және қоршаған ортаға деген құрмет сезімін қалыптастыру.
Тәрбие сағаты барысында оқушылар алғыс туралы мақал-мәтелдер айтып, өздерінің шынайы алғыстарын білдірді. 
Тәрбие сағатының соңында оқушылардың бір-біріне және ұстаздарына алғыс білдіру сәті ұйымдастырылып, жылы лебіздер айтылды.
Бұл шара оқушылардың бойында мейірімділік, ізеттілік, ризашылық секілді ізгі қасиеттерді қалыптастыруға оң ықпал етеді.